Sabi nila'y di tayo para sa isat-isa
Dahil pareho raw tayong dalwa
Walang patutunguhan mula sa umpisa
Ang pagsasama raw na di tama
Ito ang tinuran ng nagkukunwang marangal
Na siyang yumuyurak sa ting dangal
Ito ang tinuran ng nagkukunwang Matuwid
Na ang puso't damdami'y manhid
Pagkat tayong dalwa'y nagmamahal ng lubos
Hangarin sa isat-isa'y tapat
Ipaglalaban natin, panlalait bibiguin
Mapanghusgang mundo'y babaguhin
Sabi nila'y di tayo magiging masaya
Ang pagtitinginang raw na di tama
Di raw kaaya aya sa mata ng may likha
Kasalanan raw ating ginagawa
Ito ang tinuran ng nagkukunwang banal
Patunay na kapos sa pagmamahal
Ito ang tinuran ng nagkukunwang Malinis
Na puno ng dumi ang isip
Pagkat tayong dalwa'y nagmamahal ng lubos
Hangarin sa isat-isa'y tapat
Ipaglalaban natin, panlalait bibiguin
Mapanghusgang mundo'y babaguhin
No comments:
Post a Comment