,,Miss you,,

Minsan nang hiniling na sana bumalik ka,
Paulit-ulit kong dinarasal na sana dumating ka na.


Matagal na rin pala tayong hindi nagkikita,
Minsa sa isang lugar, sa hindi sinasadyang pagkakataon,
nasabi ko pa ang mga huling salita sa iyo "Ingat ka"


Walang araw na hindi ako umaasang hindi mo kami tuluyang kinalimutan
Siyam na buwan na ng huli kitang makakwentuhan,
Siyam na buwan na rin ng huli mo kong pinagalitan.


Araw-araw, sa bawat paghakbang pasulong
patungo sa martsa sa mga kalsada,
sa lahat nang sigaw para sa paghahangad ng hustiya, kalayaan, karapatan,
kasama ka sa mga pangarap ko.


Pangarap ng isang mabuting anak sa kanyang ama,
ang mabuhay siya ng marangal,
ang kumain tatlong beses isang araw,
hindi kailangang magdagdag sa listahan sa tindahan,
ang magtrabaho para mabuhay,
at hindi kumayod parang kabayo at kulang na lang ay mamatay.


Papa, marami pa akong pangarap.
At kasama ka sa mga pangarap na yun.
Alam ko hindi magtatagal magkikita rin tayo.
Sa isang lugar at sa hindi sinasadyang pagkakataon.


At kung mangyarin man na magkita tayo,
Isang mahigpit na yakap ang alay ko.
Saganang luha sa mga mata,
at isang matamis na halik ng pangungulila.